Kongreya Komela Demokratîke (KCD) û Partîya Herêmê Demokratîkî (DBP) seba ke paştî bidê Bernameyê Têkoşînê Demokratîkî yê Partîya Demokratîke ya Şaran (HDP) 13 rojan de do 8 şaristanan zîyaret bikerê.
Bernameyê Dêrsimî yê Heyetê KCD û DBPyî bi zîyaretê keyeyê Gulîstan Dokuye qedîya. Hemserekê KCDyî Bedran Ozturk, Hemsereka DBPyî Salîha Aydenîz, Parlementerê HDPyî yê Dêrsimî Alîcan Onlu û Parlementera HDPyî ya Amedî Semra Guzel tewrê zîyaretî bîyî.
Heyetî Pirdê Sari Saltukî de keyeyî reyde ame têhet û waka Gulîstane Aygul Dokuye ra zanayîşî girewtî. Aygul Dokuye derheqê xebatanê cigêrayîşî û rewşa peyêne de zanayîşî dayî û veng da ke Gulîstane bêra dîyene.
Heyet ewro do şoro Mêrdîn. DÊRSIM
