Merkezê Xeberan
Menga Muharremî seba pêro elewîyan menga şînî ya. Rojeyê Muharremî Roşanê Qurbanî ra 20 rojan ra dima dest pêkeno. Serra 630î de Kerbela de hetê Yezîdî ra Îmam Huseyn û 71 ganî ameyî qetilkerdene. No roje zî seba şînê nê kesan yeno girewtene.
Elewîyî Muharrem de 10 yan zî 12 rojan roje gênê. Ewro Rojeyê Masûm û Pakî destpêkerd. Roje 17-18-19ê tebaxe de bi temamî 3 rojan do dewam bikero. Seba nê rojeyî ‘Rojeyê Fatma Ana’ zî vajîyeno.
20-31ê tebaxe de rojeyê Muharremî do bêro girewtene. 1ê êlule de zî aşûra do bêra pewtene.
