Hemserekê Komîteya Weşîye ya Rojawanî Cîwan Mustefayî da pêhesneyene ke herêma înan de kesêk bîn zî bi Vîrusê Koronayî kewto/a, kesêk 60 serrî Qamişlo de cuya xo vindî kerdo/a û 5 kesê bînî zî baş bîyî. Tewrê dayeyanê peynî hûmara kesê ke bi Vîrusê Korona kewtî resaye 205 kesan û înan ra 14 kesî cuya xo vindî kerdî û 26 kesî zî baş bîyî.
Ganî bêro vîrvistene ke Rayîrberîya Xosere tewrê qerarê qedexeyî, vizêr qerarêko newe girewte û da zanayene ke ganî tîya ra pê pêroyê hemwelatijî bi maskeyan bivejîyî teber. Rayîrberîya Xosere cayanê sey bazar, sazî û pêroyê cayanê girseyî de bê maskeyan vecîyayîşê teberî qedexe kerde. Kesê ke nê qeraran binpay bikerî do bêrî cezakerdene. QAMIŞLO
