Leşkeran gora Fatma Încî ya HGP’î ya di 17’ê Nîsana 2018’an de li navçeya Berwerî y a Sêrtê di şer de şehîd bibû û li Goristina Zortul a navçeya Erdîş a Wanê hatibû definkirin, rûxandin. Leşkeran peyva ‘şehîd’ û navê koda wê ya li ser gora wê hatibûn nivîsandin kirin hincet û rûxandin. Leşkerên ku gora Înce rûxandin, di heman demê de bang li malbata wê kirin ku biçin Qereqola Eskerî ya Çelebibag îfade bide.
Malbat li ser vê yekê çû qereqolê û li qerolê pirsa çima ‘nivîs hatine nivîsandin’ ji malbatê kirin. Ferdên malbatê yên li qereqolê îfade dan, dûre serbest hatin berdan. WAN
