Dewletên Yekbûyî yên Amerîkayê (DYA) têkilî kontrolkirina bernameya nukleer a Îranê xwe spartibû ser Peymana Wiyaneyê ya 2015’an û bi asta Konseya Ewlehiyê ya Neteweyên Yekbûyî (KENY) hewl dabû. Welatên din destek neabûna rêveberiya Washîntonê ku serî li mekanîzmaya ‘sanpback’ê dabû, ku ev mekanîzma di nav peymanê de hebû û li gorî vê heke Îran berpirsyariyên xwe bi cih neyîne wê ambargoya navnetewî li ser bihata danîn.
DYE ya ku 2018’an ji peymanê vekişiyabû û Brîtanyaya Mezin, Fransa, Çîn, Rûsya û Almanyayê jî peyman îmze kiribûn, li gorî peymanê daxwaza ambargoyê kiribû lê ev nehatibû qebûlkirin.
Têkilî mijarê Nûnerê Taybet ê DYE’yê yê Îranê Brîan Hook welatên ku destek nedana helkefta wan a bi asta KENY’yê sûcdar kir, nexasim Brîtanya, Fransa û Çîn kire hedef û got ku van welatan ‘peywira xwe cih neanîne’. Hook her wiha diyar kir ku ji bo Snapback were sazkirin hewceyî pê nîne ku ew ji kesî destûrê bixwazin û îdîa kir ku Îranê angajmanên li ser mijara nukleer bi cih neaniye, ji ber vê jî şert hene ku mekanîzmaya ‘snapback’ê were sazkirin.
Hook her wiha diyar kir ku ambargoya firotina çekan a li ser Îranê di nêz de wê biqede û wiha got: “Çîn, Rûsya, Fransa û Brîtanyayê biryar li ser dane ku dîtina Konseya Hevkariya Kendavê jinedîtî ve bên, ev welat welatên herî pir nêzî talokeyê ne.”
Hook got ku li gel helwesta çar welatan jî ku li KENY’yê bi heqê vetokirinê ne mekanîzmaya snapbackê wê nikaribe were blokekirin û li dawiya roja 30’î ew ê ambargoyan dîsa sazkar bikin.
Wezîrê Karûbarê Derve yê Amerîkayê Mîke Pompeo jî ji Fox Newsê re axivî û got ku ji bo ambargoya firotina çekan a li ser Îranê ya ku dê 18’ê cotmehê biqede bidomînin tişta ku ji dest wan wê texsîr nekin. WASHÎNGTON
