Li gorî nûçeya Nuçe Ciwan, ciwanê bi navê Musa Xazî Guzel ku di 15’ê Hezîrana 2020’an de ji aliyê asayîşa Duhokê ve hatibû binçavkirin, di 18’ê Tebaxê de radestî MÎT’a tirk hatiye kirin.
Musa Xazî Guzel 19 salî ye û xelkê bajarokê Gever a Colemêrgê ye. Guzel ji ber zilm û zordariya dewleta tirk di sala 2006’an de bi malbata xwe ve derbasî başûrê Kurdistanê bû. Xazî Guzel li bajarokê Şêladizê a ser bi Duhokê niştecih bibû.
Asayîşa PDK’ê bi rêya telefonê malbata Xazî Guzel agadar kir ku wan kurê wan radestî MÎT’a tirk kirine û niha destê Tirkiyeyê de ye. DUHOK
