Qezaya Pulurî ya Dêrsimî de bi vengdayîşê Meclîsê ‘Wa Dêrsim Azad Bihêriko’ hemwelatîyanê Dêrsimî û endamanê meclisî vizêr vera projeyê peyzajî Çimeyanê Munzurî de çalakîya zîncîrê merdiman kerde.
Leşker û polîsan çalakîye ver dormeyê Çimeyanê Munzurî girewt û destûr nêda ke çalakîkerî derbazê Çimeyan bibê. Çalakîkerî rayîranê cîyayan ra bi slogananê ‘Munzur tengîye de yo, Dêrsim sere wedareno’, ‘Munzur do azad bihêriko’ dekewtî Çimeyanê Munzurî û înan zîncîrê merdiman viraşt.
Serekê Baroyê Dêrsimî Kenan Çetînî çalakîye de qisey kerd û îfade kerd ke ê do çalakîyanê xo dewam bikerê. Çetînî vat: ”Tîya mîrasê dinya yo û ma do wayîrê ci vejîyê.”
Hunermendî Metîn Kahraman, Erdogan Emîr, Musa Bakî, Dogan Çelîk û Bektaş Saritaşî bi deyîranê xo tewrê çalakîyî bîyî. DÊRSIM
