Dengbêjî adetêko kulturê kurdan o. Dengbêjî seba kurdan her wext bîyo rayêrîko vajîyayîşê astengî û zehmetîyan. Vera pêro astengî û polîtîkayê asîmîlasyonê kulturê dengbêjî heta ewro ameyo. Bi xêrê kilamanê dengbêjî, tarîxêko gane heta roja ma ewro ameyo. Dengbêja bi nameyê Eydê Ozkana 72 serrî, dayîka 10 domanan a, qezaya Elkê ya Şirnexî de ciwîyena. Eydê, domanîya xo de dest bi dengbêjî kerda û heta roja ewro dewam kena.
‘Serê dej û şeran de kilaman vatêne’
Eydê, dîyar kerd ke verê televîzyon çinbi, dayîk û pîyê ci dengbêjî kerdê û vat: “Wexto ke ez domane bîya û pîyê mi dengbêjî kerdêne û mi zî her wext goşdarî kerdêne. Dayîk û pîyê mi mîyanê roje de xebityayîne û wexto ke bîne şan de dewijî kom bîne û dest bi vatişê kilaman kerdêne. Bi goşdarîkerdişî dir ez mûsaya. Dayîka mi her wext serê dej, weşî, merdiş û şerî de kilaman vatêne. Wexto ke şîne veyveyan zî seba veyvan kilaman vatêne. Şî ça dayîke mi kilamanê xo vatêne.”
10 serrî de dest bi vatişê kilaman kerda
Eydê, wina dewam kerd: wiha behsa demên berê kir: “Ma her ca de dengbêjî kerdêne. Keyeyê mi û derûdorê mi heme dengbêj bî. Mi 10 serrîya xo de dest bi dengbêjî kerd û heta ewro zî ez kilaman vana. Verê zaf weş bi û werre bi a rojan. Rojê verê zor û zehmet bî, labelê zaf weş bî. Verê pêro rojê ma mîyanê kêfweşî de derbaz bîne. Labelê êdî seba ma ya ewro wina nîya. Tu kes êdî ne sey verê dengbêjî keno û ne zî weşî esta.”
‘Kultur merdimî serê lingan de verdeno’
Eydê, dîyar kerd kulturê dengbêjî seba înan girîng o û vat: “Labelê êdî tu kes sey verê dengbêjî nêkeno. Semedo ke teknolojî xeylê aver şîya, êdî kes goşê xo nêdano dengbêjî. Ciwanê nika bi tena telefonan kilaman goşdarî kenê. Kulturê dengbêjî sey verê nîyo. Kulturê dengbêjî seba ma wayîrê cayêko girîng o. Ganî ma wayîrê kulturê xo vejîyê. Semedo ke kultur, merdiman serê lingan de verdeneo. Wa pêro cinî wayîrê kulturê dengbêjî vejîyê. Mi waştêne sey verê tornanê xo bi kilaman bikerî hewn. Wa cinî vengê xo bi dengbêjî berz bikerê.” ŞIRNEX
