Serokwezîrê Japonyayê Shînzo Abe ku ji sala 2012’an ve serokwezîrtiyê dike, bi civîneke çapemeniyê diyar kir ku ew biryar daye ku ji wezîfeya serokwezîrtiyê îstîfa bike.
Abe diyar kir ku nexweşiya uleratîf kolît a ku berê pê bû, ji nû ve lê vegeriya ye.
Serokwezîr Abe roja duşemê bi daxuyaniyekê ragihandibû ku li nexweşaneyeke Tokyoyê wî testên tenduristiyê kiriye. Testên ku di nava heyşt rojan de du caran hate kirin, bû sedema nîqaşên ku dibêjin rewşa tenduristiyê ya Abe cidî ye, rû bide.
Shînzo Abe ji ber ku dest ji wezîfeya serokwezaretiyê ber dide ‘lêborîn’ ji gelê Japonyayê xwest û wiha got: “Heta ku Serokwezîrê nû bê tayînkirin, ez ê bi xurtî wezîfeya xwe bidomînim.”
Di nava kesên ku navê wan ji bo serokwezaretiyê tê bilêvkirin şêwirmend û berdevkê hikûmeta heyî Yoshîhîd Sûga û Wezîrê Maliyeyê Taro Aso hene. TOKYO
