Fermandaranê Qerargehê Merkezê Pawitişê Şarî ra Amed Malazgîrtî beşdarê bernameyêkê taybetî yê Stêrk TVyî bi û derheqê îşxalê dewleta tirke û xoverdayîşê gerîlayan de qisey kerd.
Qiseykerdişê Malazgîrtî ra beşêk wina yo:
”Dewleta tirke senî ke bi serran o hêrişê Kurdîstanî kena nika zî bi heman hawayî hêrişÊ Dengizê Sipî û Lîbya kena. Armancê dewleta tirke îşxalkerdişê xeylêk cayan o û seba naye zî PKK xo rê kena bahane. Dewleta tirke wazena Rojhelatê Mîyanênî de xo bikera hêzê verênî.
Serranê peyênan de warê Xakurkê de şerêko çetin qewimîya. Dewleta tirke waştêne Xakurkê de xetêka derge kontrol bikera. Gerîlayanê ma seba ke verê dewleta tirke bigêrê fedakarîya pîle kerde, çalakîyê bitesîrî kerdî. Dewleta tirke plananê xo de ser nêkewte.
Şerê ma yê vera dewleta tirke asta tewr berze de yo. Pêro şarî û hêzê demokratîkî seba çinkerdişê dewleta tirke eşkenê ma hetî de ca bigêrê. Dewleta tirke zulmê vera Kurdîstanî zo rê sey heq vînenê û kes zî vera naye nêwirzeno payan ser. Rixmê naye zî PKK yeno sûcdarkerdene. PKK dima hesabanê şexsîyan de nîyo. Têna canê ci esto, ey zî feda keno.
Wayîrvejîyayîşê nê şerwananê azadîye wezîfeyê kurdan o. Gerîlayê PKKyî seba ke plananê dewleta tirke pûç bikerê destê înan ra çita yeno kenê. Kesê rûmetên û bişerefî ganî hetê gerîlayan de ca bigêrê. Pêro hêzê sîyasî û leşkerî yê çar parçeyanê Kurdîstanî ganî bizanê ke eke PKK qels bibo dewleta tirke do hêrişê pêro parçeyan bikera.
Dêrsim, Serhed, Botan, Gever, Şemzînan û Çelê de her roje çalakîyî yenê kerdene, leşkerî kişîyenê. Rixmo ke Gerîla TV dîmenanê nê çalakîyan weşanano dewleta tirke înkar kena.Dewleta tirke çim vist Başûrê Kurdîstanî, wazena şer Başûr de bikera. Ma no şer nêwaşt.
Eke dewleta tirke nêkewa Başûr şer uca de nêqewimîyeno. Ma têgêrayîşêkê Kurdîstanî yê û ça de beno wa bibo ma do vera dewleta tirke ya îşxalkere şer bikerê. Ê do qet nêeşkenê bi propagandayan gerîlayan bixepînê. Pê PKK û gerîlayan Başûr, Vakur û her ca de hewce esto. Rixmo ke destê dişmenî de hende îmkan û teknîkî estê hetê leşkerî ra zehmet anceno. Êyê ke do ser bikewê qetî qerîla yê. Aya ke do çin biba zî dewleta tirk a.” Çime/ANF
