Rêxistina Partîya Demokratîke ya Şaran (HDP) ya Wanî bi wesîleya 1ê Êlule Roja Aştîye ya Dinya Parka Newroze de çalakîya ‘Zîncîrê Aştîye’ do bikerdêne. HDP çalakîye ra verî bînaya partî de ame pêser.
Hemserekê Kongreya Komela Demokratîke (KCD) Berdan Ozturk, wekîlanê Wanî Muazzeze Orhan, Murat Sarisaç, Tayîp Temel, aktîvîstanê Tevgerê Cinîyanê Azadan (TJA), endamanê Meclîsê HDPyî, îdarekaranê qezayan û şaristan îşlîgê bi nuşteyê ‘Pîya vera tecrîdî azadîye, vera şerî haştî’ û maskeya more dayî xo.
Wexto ke şar waşt şoro cayê çalakîye polîsanê tirkan dormeyê bînaya partî pê barîkataan girewt û şar asteng kerd. Polîsî dekewtişê qezayanê Çaldiran, Muradîye û Erdîşî de zî şar asteng keno ke nêro şaristan.
Girse hema zî verê bîna de paweno. WAN
