Navenda Nûçeyan |
Wezîrê Karê Derve yê Amerîkayê Mîke Pompeo ragihand ku di hevdîtinê de ya bi telefonê ku bi Serokkomarê Qibrisê Nîcos Anastasîades biryara li ser ‘firotina ekîbên leşkerî yên ne kujer’ standine.
Pompeo got ku astengkirina têkildar di bûdçeya 2012’yan de ji bo demekê hatine rakirin.
Kongreya amerîkî jî meha dawî ya salê dengdaneke bi vî alî kiribû.
Piştî ku 1974’an dewleta tirk bakurê giravê dagir kiribû, rêveberiya DYE’yê 1987’an ji bo ‘yekkirina giravê wêrek bike’ ambargoya çekan danîbû.
Lê ev tevdîr bi sedema ku bandoreke negatîf kiriye hate rexnekirin, ji ber ku vê hikûmeta Qibrisê teşwîq kiribû ku bi hin hevkarên din re tifaqan deyne.
Senatorê Demokrat Bob Menendez ku sivikkirina ambargoyê silav kir, diyar kir ku ji bo têkiliyên bi Qibrisê re gaveke ‘girîng’ e û ji bo Qibrisê got ‘hevkarekî pêbawer ê stratejîk.’
Dewleta tirk jî biryar şermezar kir û xwest ku bi paş ve gav were avêtin.
Pompeo got ku DYE destekê dide ku Qibris, ‘çareseriyeke giştî ya li bin avaniyeke federasyonê gihaştî hev.’
Wezîrê Karê Derve meha tîrmehê bi daxuyaniyekê diyar kiribû ew ê hevkariya Berevaniyê ya bi Qibrisê re bi rengê fînansekirina perwerdehiya leşkerî geş bikin.
Ev biryara DYE’yê di demeke wiha de ye ku ji ber dewleta tirk li Deryaya Spî bi rengekî derqanûnî li gazê digere, hate standin.
