Sakarya de vera karkeranê serrewextî yê kurdan hêrişê nîjadperestî ameybî kerdene. Qezaya Qoserî ya Mêrdînî de û Amed de hêrişê nîjadperestî yê vera kurdan ameyî şermezarkerdene
QOSER
Qoser de komêka ciwanan vera hêrişî nêrazîbîyayîşê xo mojna û bi sloganan kuçeyan de şîyî. Ciwanan sloganê sey ‘Bêveng nêmane, do dore bêra to’ û ‘Qoser do bibo gorê faşîzmî.’ vatî. Wersayîtan zî bi korna paştî daye ciwanan.
AMED
Amed de zî xeylêk rêxistinanê komelê sivîlî eşkerayîyêka hempare daye û hêrişo nîjadperest ê Sakarya şermezar kerd. Rêxistinan da zanayene ke nê hêrişê vera kurdan polîtîkayanê komelkî, ekonomî û sîyasîyan ra dûr nîyê û munferît zî nîyê.
Rêxistinan hêrişî şermezar kerdî û waşt ke derheqê nê hêrişan de tehqîqat bêro akerdene.
Komeleya Heqê Merdiman (ÎHD), Baroyê Amedî, Odeya Tabîban ya Amedî, TÎHV, Komeleya Cinîyany a Rosa, Yewîya Odeyê Muhendis û Mîmaranê Tirkî (TMMOB), Konfederasyonê Sendîkaya Kedkaranê Rayapêroyî (KESK), Konfederasyonê Sendîkaya Karkeranê Şorişgêrî (DÎSK), DER-MEZ, SHUDER û MEBYA-DER eşkerayîye îmza kerde. MÊRDÎN AMED
