Navenda Nûçeyan |
Îro danê sibehê li hemberî endam û rêveberên Partiya Sosyalîstên Bindest (ESP) operasyon hat lidarxistin. Di çarçoveya operasyonê de Hevberdevkê Kongreya Civaka Demokratîk (HDK) Sedat Şenoglû jî di nav de polîsan bi ser malên gelek endam û rêveberan de girt û bi giştî 14 kesan binçav kir.
Li dijî vê operasyonê di serî de li Stenbolê û bajarên mîna Edene, Antalya, Hatay, Mêrdîn, Şirnex, Enqere, Wan, Agirî, Riha, Semsûr, Amedê çalakiyên şermezarkirin hatin lidarxistin. Hevberdevka HDK’ê Îdîl Ûgûrlû û Hevserokê Giştî yê ESP’ê Şahîn Tumuklu jî di nav de gelek endam û nûnerên ESP’ê û HDP’ê yên bajarên navborî tev li çalakiyan bûn û li dijî zextan peyamên têkoşînê dan.
