Balafirên şer ên dewleta tirk şevê din, wesayîteke gundê Mijê ya girêdayî navçeya Amediyê ya ser bi Dihokê kir hedef.
Li gorî agahiyên ku ji çavkaniyên herêmî hatine girtin, balafirên tirk wesayîteke sivîlan hedef girtiye lê ji ber êrîşê kes canê xwe ji dest nedane û birîndar nebûne.
Hate ragihandin ku dema êrîş pêkhatiye kes di nava wesayîtê de nebûye, ji ber vê zirera giyanî çênebûye lê wesayît bi temamî rûxiyaye.
Her wiha piştî êrîşê agir bi daristan û baxên welatiyan ketiye.
Êrîş îro di saetên sibehê de li dijî gundên Kanî Masiyê û gundê Rezikê ya 2 km dûrî navenda Amediyê ye bombebaran kiribû û di encamê de agir bi herêmê ketibû.
Hêjayî bibîrxistinêye ku hatibû ragihandin êrîşa şevê din li dijî gundê Zengelê çêbûye û birîndar hebûne lê hate piştrastkirin ku êrîş li dijî gundê Mijê ya li herêma Bergarê bûye û birîndar nîne. DIHOK
