Navenda Nûçeyan |
Li gorî nûçeya Tora Mafê Mirovan a Kurdistanê, Zeyneb Celaliyan di van rojên dawî de bi rêya telefonê peywendî bi malbata re daniye û diyar kiriye ku di rewşek dijwar de di hucreyek yekkesî ya girtîgeha Kirman de dimîne.
Li gorî nûçeyê, Zeyneb Celaliyan di peywendiya telefonî de, aşkera kiriye ku rayedarên girtîgehê, ragihandine ku ger xerca veguhestinê li ser xwe bigire, wê bibin girtîgeha bajarê Xoyê ya parêzgeha Urmiyeyê lê hîn nehatiye veguherestin.
Ev di demekê de ye ku peywendiya telefonê ya Zeyneb Celaliyan hefteyekê carekê bi amadebûna du karmendên ewlehiyê pêk tê. Rê nayê dayîn ku Celaliyan bi zimanê kurdî biaxive û neçar dibe bi zimanê farisî li gel bav û dayika xwe biaxive ku malbat zehmetî jê fam dikin.
