Merkezê Xeberan]
Rayraşîyayîşo Derg bi şîarê ‘Seba azadîya Rayber Apoyî pîya serewedaritiş’ yeno kerdene û xeylê ciwanê kurd û enternasyonelî zî tewrê ci benê. Roja şeşine de polîsanê almanan seba ciwanî derbazê Hamburgî nêbê, hêrişê înan kerd.
Organîzatoran ra yew ANFyî rê qisey kerd û pare kerd ke ciwanî wexto ke trenî ra ameyêne war ameyî vindartene. Polîsan bi îdîya ‘bêbîlet trenî ra ameyî war’ û ‘hêrişê kontrolkerdoxan kerd’ ciwanî vindarnayî nêverda ke ciwanî şorê tuwalet zî.
Goreyê amadekaran ciwanan dima bîlet hêrina la polîsî bi bahaneyan xîret danê ke rayraşîyayîş asteng bikerê. Çalakîkeran eşkera kerd ke verî zî polîsan xîret kerd ke rayraşîyayîş asteng bikerê û posterê Ocalanî zî qedexe kerdî.
Çalakîkeran vat: ”Seba ke hemkarê dewleta tirke ya faşîste hêrişê ma bikerê rayraşîyayîş ame vindartene.” Ciwanê ke garê trenî de yê dormeyê ciwanan ame girewtene. Dima polîsan hêrişê ciwanan kerd û bi pirodayîşî 3-4 ciwanî destbend kerdî. Netîceyê hêrişî de tay ciwanî birîndar bîyî.
