Navenda Nûçeyan |
Nivîskar Mujgan Kawsî 1’ê îlona 2020’an dijî nedayîna destûra çûyîna mal û peywendiyên telefonê dest bi greva birçîbûnê kiribû. Mujan îro danê sibehê rakirine nexweşxaneyê.
Li gorî nûçeya ajansa Hirna, Mujgan ji girtîgeha Êvîn ya Tehranê ji bo emeliyatê birine nexweşxaneya Talqan ya Tahranê.
Li gorî heman çavkaniyê nivîskar Mujgan nexweşe û nikare bi rêve biçe. Ji ber ku daxwazên Mujgan nehatine pejirandin, dest bi greva birçîbûnê kiribû. Çavkaniyê ragihand ku Mujgan diyarkiriye ger daxwazên wê pêk werin, ew ê dev ji greva birçîbûnê berde.
Nivîskar Mujgan di 16’ê mijdara 2019’an de li bajarê Noşehir ya li bakurê Îranê hate binçavkirin. Mujgan birin girtîgeha Îtalat ya pasdarên Îran a li bajarê Sarî ya navenda parêzgeha Mazenderan.
Mujgan di 10’ê kanuna 2019’an de birin girtîgeha bajarê Noşehir û di roja 19’ê kanuna 2019’an de jî birin dadgeha şoreş ya heman bajarî. 69 meh ceza li Mujgan hate birîn. Piştî wê bi demekê bi kefalet hate berdan.
Dadgeha lêborînê ya parêzgeha Mazenderan cezayê ku berê li Mujgan hatiyî birîn zêde kir û kir 76 meh.
Nivîskar Mujgan di 19’ê gulana 2020’an de ji bo cezayê xwe yê lê birîn bikişîne, carek din hate binçavkirin. Mujgan birin girtîgeha bajarê Kira. Mujgan di hezîrana 2020’ande birin girtîgeha Êvîn ya Tehranê.
