Mehlimo kedkar Takîyettîn Ozkahramano 75 serre 3 serrî verê cu Milazgirê Mûşî de ame tepiştene. Ozkahramano ke vizêr Zîndanê Patnosî de rewşa ci bîye xida ame berdene Nêweşxaneyê Dewlete yê Patnosî û dimara sewqê Nêweşxaneyê Dursun Odabaşi yê Unîversîteya Yuzuncu Yilî bi. Ozkahramano ke nêweşxane de tedawîya kêmîya pişike dîyene serwîsê ciewnîyayîşê giranî de dinyaya xo bedilnaye.
Takîyettîn Ozkahramanî sera 2014î de serekîya Partîya Haştîye û Demokrasîyî (BDP) ya Milazgirî kerdebî.
Birayê Ozkahramanî Sadullah Ozkahramanî ard ziwan ke verê tepiştişî nêweşîya birayê ci çînêbî û vat: ”Birayê mi ke zîndan de nêweş kewt, çend rey rewşa ci bîye xidare la nêweşxane de nêgerîya binê tedawî. Rayêk reyna rewşa ci bîye girane, doktoranê Nêweşxaneyê Dewlete yê Wanî vat ganî û o anjîyo bibo la înan nêard tedawî nêkerd. Seba ke înfazê birayê mi peyde bêro eştene ma di rey muracatê Wezîrîya Edaletî kerd la muracat nêame qebulkerdene. Zerrîya ma vêşena, wa hînî dejê wînayên çînêbê. Her mergî ra hukmat û Wezîrîye Edeletî berpirsîyar ê.” WAN
