Dêrsim de di birayê bi nameyê Mehmet (41) û Bozkurt (48) Aydemîrî yê ke 13ê êlule de şîyênî Parka Neteweyî ya Dola Munzurî, nizdê dewa Venkî de bîyî vînî. Cigêrayîşê birayan de cayo ke înan tede wesayîtê xo park kerdo de rêçê gonî ameyî dîyene.
Birayê ke Xarpêt de fîrmaya dogalgazî de xebityenê wextêk verê cu semedê karî ameyî Dêrsim. Birayî yewşeweyo ravertê de semedê pîknîkkerdiş û sîr arêdayîş şîyî nizdê dewa Venkî ya Parka Neteweyî ya Dola Munzurî. Birayan cayê xo merdimanê xo rê vat û wesayîtê xo kişta rayîrî de park kerd. Bado ke înan ra xeberê nêameyî girewtene merdimanê înan xebare daye cendirmeyan. Semedê wird biayan hetê leşkeran û ekîbanê AFADî ra xebatê cigêrayîşî ame destpêkerdene. Cigêrayîşê birayan de cayo ke înan tede wesayîtê xo park kerdo de rêçê gonî ameyî dîyene. Seba ke bero tesbîtkerdene ke gonî aîde birayan a ya nê, gonî ra nimûne ame girewtene û ame şawitene Dezgehê Tipê Edlî yê Meletî. DÊRSIM
