Qezaya Şaxê ya Wanî de 11ê êlule de Osman Şîban û Servet Turgutî netîceyê sereştişê dewe de ameybî tepiştene û badê îşkence helîkopterî ra erzîyabî war. Raporê nêweşxaneyî de zî ame tesdîqkerdene ke di hemwelatijî helîkopterî ra erzîyayî war. Ajansê MA xo resna fotografê yewine ê Servet Turguto ke badê destbendkerdişî helîkopterî ra tewrê Osman Şîbanî erzîyabî war. Fotograf de asîyeno ke Turguto ke servisê ciewnîyayîşê giranî de yo, girêdayeyê cîhazan o û suretê ci sîya bîyo, masayo û mîyanê gonî de yo.
Suretê ci sîya bîyo û masa yo
Fotografê yewine ê Servet Turgutî ke hetê ajansê MAyî ra ame vilakerdene de yeno vînayene ke Turgut bi cîhazan boya xo gêno û tehlukeyê cuya ci hema zî dewam keno. Heto bîn de suretê Turgutî sîya bîyo, masa yo û mîyanê gonî de yo. WAN
