Piştî binçavkirina siyasetmedarên Partiya Demokratîk a Gelan (HDP), piştevaniya ku dest pê kir mezin dibe. Hevserokên HDP’ê yên Dêrsimê Nûrşat Yeşîl û Îbrahîm Kasûm, bang li gelê bajêr kir ku bibin endamên partiyê.
Hevserok Yeşîl diyar kir ku zext û operasyonên li dijî HDP’ê dewam dikin û wiha got: “Têkoşîna li dijî zextan divê tenê bi HDP’ê re neyê sînordarkirin. Em hemû gelê xwe vedixwînin avahiya partiya xwe. Werin destekê bidin me. Em gelê xwe vedixwînin ku bên bibin endamê partiya me.”
Hevserok Kasûm jî destnîşan kir ku desthilatdarî ji bo ku partiya me tune bike, ketiye nava hewldanan û wiha bilêv kir: “Ji bo ku serdestiya xwe ya faşîst û nijatperest dewam bike, êrîşî muxalîfê dike. Ji bo ku em vê faşîzmê berteref bikin, em dixwazin gel bibe endamê partiya me. Em ji faşîzmê natirsin û em ê tu carî netirsin.” DÊRSIM
