Hemserekê Kongreya Komela Demokratîke (KCD) Berdan Ozturk, Hemsereka Partîya Herêmê Demokratîkî (DBP) Salîha Aydenîz û wekîlanê Partîya Demokratîke ya Şaran (HDP) keyeyê Servet Turgutî zîyaret kerd ke Turgut dima ke hetê leşkeranê tirkan ra helîkopterî ra erzîya dinyaya xo bedilnaye.
Huda Kayaya HDPyîje merasîm de qisey kerd la wexto ke aye qisey kerdêne polîsan eşt xeyma serweşîye ser. Polîsan vat: ”Ma do nêverdê ke şima qisey bikerê.” û polîsan destûr nêda ke rojnamegerî dîmenan bigêrê.
Polîsan gef werd ke eke merasîm dewam bikero ê do merdiman destbend bikerê. Aydenîze vera polîsan nêrazîbîyayîşê xo mojna û vat: ”Eke şima nê merdiman rê hûrmet bikerdêne şima cara na qayde nêameyêne merasîmê serweşîye.” WAN
