Berhem ango wêneyên rojnamevan û şêwekar Zehra Dogan bi navê ‘Nehatiye Dîtin’ di pêşengehê de nîşanî hunerehezan hat kirin. Pêşengehê îro li Mala Wêjeyê ya Kiraathaneyê ya Stenbolê dest pê kir û dê pêşengeh heta mehekê vekirî be.
Seval Dakman û M. Wenda Koyuncu pêşengehê birêve dibin. Di pêşengehê de berhemên ku Dogan di girtîgehê de çêkirine û rojnivîskên wê cih digirin. Berhem di odeyên bi navê ‘Mûsallat’, ‘Hîza’ û ‘Maraz’ hatine nîşandan û hestên cuda xwe di pêşengehê de li mirovan dipêçe.
Seval Dakman û M. Wenda Koyuncu yên rêveberiya pêşengehê dikin axivîn û bal kişandin ser serkeftina hunera Dogan û gotin ku her çiqas Dogan bi fizîkî ne di nava wan de be jî lê bi fikr û ramanên xwe li pêşengehê ye û her du rêveberan spasiya beşdaran hemû kir. STENBOL
