Li Amedê ku timik kontrolên maskeyan tên kirin û bi hinceta ku maske bi kar naynin bi milyonan cezayê pereyan li welatiyan hatiye birin, Waliyê Amedê Munîr Karaloglû ku ew bixwe jî li gelek bernameyan maske bi kar nayne derket kontrolê.
Walî Karaloglû duh jî li navçeyên Çêrmûg û Şankuşê yên Amedê bê maske tev li civînên nirxandinê bû. Vê yekê di civînên bi gel re jî berdewam kir. Li Walîtiyê jî Karaloglû maske bi kar nayne û mêvanên xwe bê maske pêşwazî dike.
Di 14’ê cotmehê de jî li eywana civînê ya walîtiyê Karaloglû bê maske tev li civîna Lîjneya Koordînasyona Bajar a Serdema Sêyemîn bû. AMED
