Navenda Nûçeyan |
Endamê Desteya Rêveber a PYD’ê Aldar Xelîl derbarê diyaloga Kurdî- Kurdî ji Ronahî TV re axivî û destnîşan kir ku ENKS’ê li dijî sîstema perwerdeya bi zimanê kurdî û Hevseroktiyê derdikeve. Xelîl diyar kir ku piştî serdana dawî ya ENKS’ê ya Tirkiyeyê helwesta wê hatiye guhertin û daxwaza nîv-nîv dike.
Aldar Xelîl destnîşan kir ku ENKS’ê ji bo razîkirina dewleta tirk daxwaza rakirina sîstema hevserokatiyê dike û got ku divê destkeftiyên şoreşê Rojava bên parastin.
Xelîl anî ziman ku ENKS’ê niha ew daxwaza nîv-nîv dike, ev yek li dijî demokratiyê ye û neyê qebûlkirin, lewra ev yek gerantorên lihevkirinê jî matmayî hiştine.
Her wiha endamê Desteya Rêveber a PYD’ê Aldar Xelîl guhertina helwest û biryarên ENKS’ê bi pêkanîna daxwaz û planên aliyên derve û dijmin ve girêda.
