Dêrsim de Wendekara Unîversîteya Munzurî Gulîstan Dokuye 5ê çeleyî ra nata vinbîyaye ya. Seba Gulîstan Dokuye xebata cigêrayîşî newe ra dîyaye destpêkerdene. Platformê Cinîyan ê Dêrsimî da zanayene ke bi israrî wina mojnayene ke seke Gulîstane xo kişta û nê cigêrayîşî xîretê xapînayîşî yê.
Cinîyan derheqê mesele de fikrê xo ardî ziwan
Hemsereka Partîya Demokratîke ya Şaran (HDP) ya Dêrsimî Nurşat Yeşîle vat: ”Destpêkî ra nata îxtîmalê remnayîş û cînayetî ser o nê îxtîmalê xokiştişî ser o qestî ra yeno vindene. 2 mengan ê binê awe de gêrayî Gulîstane la tede çinbî. Reyna binê awe de gêrenê Gulîstane. Çira îxtîmalanê bînan ser o nêno vindartene? Waştî û babîyê ey eke sûcdar nîyê çira tîya ra cade şîyî. No zaf bêmana yo. Coka ma wina fikirîyenê ke nê cigêrayîşî pêro xapînayîş ê.”
Wina mojnenê ke seke Gulîstane xo kişta
Sekretera Egitim-Senî ya Dêrsimî Raîfe Yilmaze zî wina vat: ”Nê serebûtî de delîlî ameyî çinkerdene, derheqê Zainal û keyeyê ci de tehqîqat nêame akerdene. Heta sey xelate babî tayînê Alanya ame kerdene. La keyeyê Gulîstane ame destbendkerdene, wexto ke şi Anqara Wezaretê Karanê Zereyî newe ra cigêrayîşî dayî destpêkerdene. La hema zî dewlete binê awe de gêrena Gulîstane. Gulîstane uca de nîya. Wina mojnenê ke seke Gulîstane xo kişta.”
Yeno waştene ke Gulîstane bêra vîrakerdene
Endama Meclîsê Partîye yê HDPyî Hêlîn Yagmur Ucîye zî vat: ”Seba ke ma mevejîyê kuçeyan, veng nêkerê nê cigêrayîşî dest pêkerd. Yeno waştene ke Gulîstane bêra vîrakerdene. Ma pê nê cigêrayîşan mexapîyê. Seba ke Gulîstane vîrî ra nêşora ma do kuçeyan de têkoşîn bikerê û seba ke Zainal bêro hukmkerdene destê ma ra çita bêro ma do bikerê.”
