Saman Şehabî
Sibeser xopîşandan û narezayetî gelanî Êran, salêk têper bû.
Çexmaxey ew narezayetiye, le şarî Mehşerewe lê dira, ke ew şare zorbey daniştiwanekey le gelanî lor û ereb pêk dên.
Narezayetî em care be biyanûyî berizbunewey nirxî sûtemenî (benzîn) serî heldayewe.
Eweş diwayî ewey dewletî Hesen Rohanî, biryarî le ser sê qat kirdinî nirxî benzîn derkird. Bew şiweye gelanî sitemlêkraw û be taybet çînî kemderamed, hejar û tenanet çînî mamnawendî ziyatir tûre kird.
Le ber eweyî giranbûnî benzîn karîgerî le ser zorbey şitumekekan dadena.
Katjimêr 7yî şewî 24yî mangî xezelwer 1398 hetawî, çend katjimêr diwayî rageyandinî nirxî sê beranberbûnî benzîn, carêkî dîke agirî serheldan û xopîşandanekanî dû salî rabirdû pêxirayewe.
Dezgakanî rageyandin û serçawekanî dewletî Êran, bo damirkandineweyî xelikî naraziyî, destiyan be hewldanî corawcor kird.
Beşek le rêkar û hewlekan bem şêweye bûn:
1- Kobûneweyî cemawerî, tenya bo dabezandinî nirxî benzîne, ke le hezar timenewe bûte 3 hezar.
2- Xopîşanedaran destî derekîyan le pişt e û nabê kes beşdar bê.
3- Narezayetî le astêkî kemdaye û kotayî hatûwe û…
çendîn deste wajeyî dike…
Rijêm ciya lewe, destî be amadekarî bo serkût û hêriş kird.
Her lew şewe da, xopîşandan le şarî Mehşerewe Ehwazewe hêdî hêdî şarekanî dîkey girtewe. Her ew şêwe dest be gulebaranî xelik kira. Rojêk diwatir, Alî Xamineyî rêberî ayinî rijêm witi: “Min agadarî wirdekarî ziyadkirdinî nirxî benzîn nîm, belam her core xopîşandanî lew çeşne, debêt betûnditrîn şêwe serkût bikrêt.”
Fitwayî Xamneyî le rojhelatî Kurdistan, Loristan û herêmî Ehwaz, xiraye warî kirdeyewe.
Bedirûşmî biroxêt “dîktator” xopîşandan û serheldan, şar û şaroçekanî Êran û rojhelatî girtewe…
Le parêzgay Kirmaşan be taybet le şarî ciwanro, xopîşanderan dirane ber destrêjî gule, deyan kes giyanyan le dest da û her weha hejmarêkî zor birîdar bûn.
Haw şêweyî ciwanro le şarekanî dîke le wane Sine, Merîwan, Kirmanşan, Bokan û Seqiz, xelkanî serheldêr dirane destrêjî gule.
Daxwazî û xopîşandanekan tenya bo kemkirdneweyî nirxî benzîn nebû, belku hewlêk bû, bo rizgarî û dîmokratîzekirdinî le nêw Êran.
Sererayî hêriş û reşekujî û daxistin hêlekanî înternêt, belam cemawer çendîn roj dirêjeyan be raperîn da, xelik bew helwesteyan nîşanyan da, bo rizgarî û bedesthênanî xiwastekaniyan, amaden giyan biden belam radest nebin.
Le serheldanî payizî salî rabirdû, gel zorbey nawendekanî deshelatî agir teber da, ke salanêke xelkî pê deçewsênêtewe.
Êsta ke salêk be ser ew serheldane da têperîwe, be giştî hezar 500 xopîşander kujran û sedan kes xiranz zîndanekanewe, ta be emro nasnamey zorbeyan nadiyar e. Jimareyêk le gîrawan be sêdare siza dirawin, her weha bo çawtirên kirdin le seretayî payiz Newîd Efşarî le sêdare dara û çendîn cewanî dîke egerî cêbecêkirdinî sêdareyan le ser e.
Carêkî dîke narezayetî salî rabirdû, bo gelanî Êran selmêmrî ewe bû, ke keşey wilatanî rojawa legel deshelatî Êran, bo berjewendî siyasî û herêmî ye, ne ke hewldan bo rizgarî û azadî gelan.
Her çende çawriwan dekira lêkolînewe, le komelkujî gel bikirête rojevî Meclîsî Êran û lîjneyek lew bi ware da rêkbixrêt. Belam bêdengiyî lêkira û le selyadî ew serheldane da, şar û nawçekan mîlîtarîze kiran û tenya le çend şarêkî rojelatî Kurdistan, 42 kes destbeser kiran û destbeserkirawan ke zorbeyan çalakî medenî û komelayetî bûn xirane jêr lêpirsînewe.
Le katêk da doxî çîn û tiwêjekanî komelga, çi le rûyî abûrî, komelayetî û mafekanî mirovewe dijwartir bûwe. Gelo kengê meşxelekan bo azadî û rizgarî pêdexirênewe?
