Navenda Nûçeyan
Nivîskarê kurd û Sekreterê Berê yê Hizba Komûnîsta Iraqê Behadîn Nurî koça dawî kir.
Behadîn Nurî xelkê Tekê yê Qeredaxe û di sala 1927’an de ji dayik bûye. Di sala 1946’an de bûye Endamê Hizba Komunîst . Di sala 1949’an de dibe sekreterê vê partiyê. Sala 1953’yan de ji aliyê rêveberiya wê demê ya Iraqê ve tê girtin. Biryara darvekirina wî tê dayîn, piştre ji ber zextan ew biryar tê hilweşandin û cezayê hetahetayî lê tê birîn. Di sala 1958’an de jî tê berdan.
Behadîn Nurî di van salên dawî de nexweş bû û ev 10 roj bûn bi vîrûsa koronayê ketîbû. Îro danê sibehê di temenê xwe yê 93 salî de koça dawî kir.
