Navenda Nûçeyan
Neteweyên Yekbûyî (NY) bi daxuyaniyeke nivîskî ragihand ku yemenî ji ber şerê navxweyî di rewşa herî giran de ne û aşkera kir ku pêwîsatiya ji sedî 80’yê yemeniyan bi alîkariyê hene.
NY’yê aşkera kir ku di 5 salên dawîn ên şerê navxweyî yê Yemenê de 233 hezar kes hatine kuştin û xwest demildest şer were rawestandin.
Berê jî NY’yê ragihandîbû ku nêzî milyonek yemenî pêwîstiya wan bi çareseriya bijîşk û xwarinê heye û li ser 260 hezar kesan metirsiya mirinê heye û her wiha aşkera kiribû ku pêdiviya yemeniyan bi xurekên paqij heye.
Şerê navxweyî yê Yemenê yê di navbera Husiyan û hikumeta navendî de ev 5 sal in didomin. Husî ji aliyê Îranê ve tên piştgirîkirin. Koalîsyona ereb jî alîkariya hikûmeta Yemenê dike. Niha welat di navbera her du hêzan de hatiye parçekirin û her yek parçeyekê rêvedibe.
