Koma ku bi fermana Wezareta Karên Hundir bi hinceta ku zarokên wan çûne serê çiya li ber avahiya HDP’ê ya Amedê tê sekinandin, êrîşên xwe yên li hemberî welatiyên ku diçin HDP’ê berdewam dike. Koma êrîşkar ku duh di saetên berê êvarê de êrîşî Rêvebera Bajar a HDP’ê Jale Okkan ku çû avahiya HDP’ê kir, îro di saetên serê sibehê de jî êrîşî Yilmaz Dede û Fevzî Akdemîr ku çûn HDP’ê kirin.
Di êrîşa ku bi kontrola polîsan pêk hat de rêveberên HDP’ê bi giranî birîndar bûn. Hat hînbûn ku gelek endamên komê pêşî li Dedeyê ku xwestiye derbasî HDP’ê bibe girtine û gefa ku ‘tu yê derbasî HDP’ê nebî’ lê xwarine û piştre bi awayekî giran birîndar kirine.
Giliyên HDP’iyên ku êrîş li wan tê kirin nayên qebûlkirin. AMED
