Van demên dawî nîjatperestên tirk ku bi navê ‘Uluculer’ û ‘Bozkurtlar’ rêxistinî dibin li Ewropayê gefê li ewlehiyê dixwin.
‘Ulkucu’ ku hêza paramîlîter a AKP-MHP’ê ne û tev li gelek rûdanên tundiyê bûne, 29’ê cotmeha 2020’an li bajarê Dîjonê ya Fransayê piştî êrîşên lîncê yên li ser ermenan rêveberiya Parîsê qedexe li ser van koman danîbû.
Her wiha 18’ê mijdarê CDU/CSU (Partiyên Yekitiya Xiristiyan) ku li Almanyayê hikûmetê pêk tînin û Partiya Demokratên Sosyal (SPD), Partiya Keskan û Partiya Demokratên Hur (FDP) jî ji bo qedexekirina Tevgera Ulkucu pêşnûmeya yasayê li Meclisa Federal qebûl kiribû.
Derkete holê li gel van tevdîran jî faşîstên tirk van rojên dawî li Almanyayê li djî ermenan gelek nameyên gefxwarinê hatine şandin.
Li gorî nûçeya rojnameya Dîe Welt ku li Almanyayê rojana weşanê dike, herî pir ji Hanu, Osnabrûck û Hambûrgê gefa kuştinê ji ermenan re hatine şandin.
Hate gotin ku bi taybetî piştî şerê di navbeyna Azerbaycanê û Ermenistanê de nameyên geflexwarinên nîjatperestên tirk zêde bûne. KOLN
