Navenda Nûçeyan
Li gorî agahiyên parlamenterê Iraqê Ebdulmehdî Seedawî, di serdema hikumeta Heyder Ebadî de, ji ber ku Tirkiye nefta herêmê difiroşe, dijî Tirkiyeyê doz li dadgeha navnetewî hatibû vekirin. Ebdulmehd got ku doza li dadgeha navnetewî dijî Tirkiyeyê, hatiye rawestandin.
Parlamenterê Iraqê Ebdulmehdî li ser sedema rawestandina doza li hemberî Tirkiyeyê a ji aliyê Bexdayê ve got; “Pereyek zêde yê firotina nefta Herêmê li bankên Tirkiyeyê de hatiye rawestandin. Tirkiye dizane dosya Bexda wê li ser wan giran bibe, ji bo vê dibe ku wan pereyan vegerîne ji bo Hikumeta Iraqê. Tirkiye amadeye li hemberî rawestandina doza li dijî xwe, hemû pereyên dahata nefta hatî firotin, radestî Bexda bike. Herwiha amadeya dahata nefta Ceyhan (Dahata nefta herêmê) vegerîne Bexdayê.”
Ebdulhadî got ku ger doza dijî Tirkiyeyê dewam bike, dibe ku dadgeha navnetewî nêzî 62 milyar dolar tenzîmat ji Tirkiyeyê ji bo Iraqê bixwaze.
