Komeleya Rojnamegeran a Dîcle Firatê (DFG) rapora meha mijdarê ya derbarê binpêkirina mafê rojnamegeran de aşkera kir. Di raporê de hat diyarkirin ku 91 rojnameger girtî ne, di meha mijdarê de 8 rojnameger hatine binçavkirin û 2 rojnameger hatine girtin. Her wiha di raporê de hat gotin di mijdarê de 2 rojnameger bi tehdîdê re rû bi rû mane, derbarê 4 rojnamegeran de lêpirsîn hatiye destpêkirin, derbarê 12 rojnamevageran de doz hatiye vekirin. Di raporê de hat destnîşankirin ku di meha mijdarê de 20 sal û 3 meh cezayê zindanê li 5 rojnamegeran hatiye birîn û darizandina 47 rojnamegeran jî bedewam kiriye. Di raporê de hat gotin ku di meha mijdarê de cezayê qûtkirina îlanê dane rojnameyekê û Desteya Bilind a Radyo Televîzyonê (RTUK) li 2 qenalên televîzyonê biriye û 30 nûçe û malperek înternetê ji gihandinê re hatine girtin. AMED
