Navenda Nûçeyan
Xebatên Kongreya Neteweyî ya Kurdistanê ya ji bo yekitiyê dewam dike. Ji bo pêşxistina diyaloga navxweyî KNK’ê û Yekitiya Parlamenterên Kurdistanê (KPU) komîteyek hevbeş avakirine. Komîteya Hevbeş ya KNK û KPU’yê li ser kar û xebatên xwe yên dawî daxuyaniyek nivîskî weşand.
Di daxuyaniyê de ev tişt hat gotin: “Ji bo pêşxistina diyaloga navxweyî, xebatên KNK û KPU’yê berdewam in. Ji bo diyaloga navxweyî Komîtaya Hevbeş a KNK û KPU, duh civîna xwe pêk anî. Di civînê de karên heta niha hatîn kirin di berçavan re hatin derbaskirin û li gel hinek kêmaniyan jî, encamên wan karan weke erênî hatin nirxandin. Civîn, bi giştî li ser bicihanîna encamên Konferansa Pêşxistina Diyaloga Navxweyî rawesta û firehkirina Komîta Diyaloga Navxweyî bû mijareke sereke.
Ji bo Diyaloga Navxweyî Komîta Hevbeş ya KNK û KPU’yê, biryar da ku li gel kesayetên kurdistanî peywendî dane, navên kesên ku dikarin di komîtê de cihê xwe bigirin kom bike û di civîna pêş de li ser wan navan rawest e û Komîta Diyaloga Navxweyî fireh bike.
Em vê di dema hesas û girîng de, pêşxistina diyaloga navxweyî, karekî zarûrî û mezin dibînin. Ji bo ev kar pêşkeve û bigihêje encamekî erênî, em ji hemû dem û dezgeh, partî û rêxistinan û ji gelê Kurdistanê destek û piştgiriyê dixwazin.”
