Domana 15 serre ke dewêka pabesteyê qezaya Kercewsî ya Êlihî de cuyena, çendêk verê cû semedê dejê pîzeyê xo şî nêweşxane û nêweşxanede ame zanayene ke na domane diganeya. Badê gerreyê domana ke raştê tecawuzî ameya di kesê binameyê M.A û V.A.yî ameyî destbendkerdene û hedîse kewt çapemenî. Çapemenî de dayîşê hedîseyîra dima tehqîqat ame hîrakerdene û bi îdîayê îstismaro cinsî û fuhuşî nameyê 27 camêrdê ke tede çawişêk pispor, polîs û qorîcî zî estî hedîse de vîyareno. Labelê ame zanayene ke înan ra tena nameyê 11 camêrdan dosyaya de estê.
Domane gerre kerd û heman dewe ra M.A. û V.A. ameyî tepiştene. Goreyê xebera Jinnews 5ê kanûne de polîs, çawişê pisporî û qoricîyî zî tede 27 kesî tewrê tecawuzî bîyî la têna derheqê 15 kesan de tehqîqat dîya destpêkerdene.
Goreyê heman xebera Jinnews domana 15 serre ra ber 2 cinîyanê bînan rê zî tecawuz ame kerdene.
Torranê medyaya dîjîtale de bi tagê ‘#GercüşteNeOluyor’ kampanyayêke dîyaye destpêkerdene. Xeylêk merdiman, wekîl û îdarekaranê HDPyî vera serebûtî medyaya dîjîtale de nêrazîbîyayîşê xo mojna. ÊLIH
