Rêxistina HDPyî ya Stenbolî de hacetê goştarîkerdişî ame dîyene. Serekwekîlê Grûba Partîya Demokratîke ya Şaran (HDP) Saruhan Oluç û Hemserekanê HDPyî yê Stenbolî Elîfe Bulut û Erdal Avciyî derheqê mesele de eşkerayîyêke keryî û delîlê goştarîkerdişî pêşkêşê rayaumûmîye kerdî.
Eşkerayîye de wina ame vatene:
”Ma odayanê hemserekan, meclîsê cinî û ciwanan de nê hacetî dîyî. Nê hacetî senî bînaya ma de ameyî cakerdene? Ma cewabê naye zanenê. Polîsî bi hawayêkê legal û keyfî dekewenê bînayanê ma û nê hacetan cakenê. Têna nê hacetî zî nê defter û lîsteyî bînayanê ma de yenê cakerdene. Wezaretê Karanê Zereyî û MÎT nê karan kenê. Hem nêwazenê ma qisey bikerê hem zî pê meraqî ma goştarî kenê. Ma sey înan çîyêk nênimnenê. Her çîyê ma eşkera yo.
Ma venga muxalfet, dezgeh, hemwelatî, demokrat û rêxistinan danê ke îqtîdar seba ke şima krîmînalîze bikero nê hacetan ca keno. No îqtîdar bi nê hacetanê sûcî serdestîya xo dewam keno. Wa muxalefet û hêzê demokrasî nê sûcanê îqtîdarî eşkera bikerê.
Ma do derheqê nê hacetan de gerre bikerê. Ma heta nika 4 hacetê goştarîkerdişî dîyî. Eke ma reyna bivîne ma do rayaumûmîye agahdar bikerê.” STENBOL
