Navenda Nûçayan
Bi bendava Amarê ya li ser Robara Ambarê ku li hewza Dîclê dimîne û 10 km dûrî navenda Amedê ye, dîrok û çanda beriya bi hezaran salan jî weke Heskîfa 12 hezar salî wê were tinekirin.
Bi bendavê ve ku ji hêla Midûrtiya Giştî ya Karê Avê ya Dewletê ve te avakirin, jîngeha Girê Fille ku ji serdema neolîtîkê maye wê di bin avê de bimîne.
Bi avgirtinê re li tilê Ambarê avaniyên dîrokî yên stûr ên li Til Ambarê ku Serdema Navîn jîngehek bû û avaniyên dîrokî yên Kendalê Hecala ku hin demsalan dibe jîngeh û qadên dîrokî yên li Girê Fille ku goristan e wê di bin avê de bimînin.
Li herêmê ji 2018’an û vir ve carcaran erd dihate kolan û berhemên beriya niha bi 9 hezar sal lê hatibûn dîtin.
Li wê herêma ku di bin avê de bimîne, berhemên dîrokî yên ku têne dîtin li malê kolanê tînin cem hev.
