Navenda Ragihandin û Çapemeniyê ya HPG’ê bi daxuyaniyeke nivîskî ragihand Hêzên Berevaniya Ezmanî ya Şehîd Delal di 11’ê kanûnê de li dijî artêşa tirk a dagirker çalaki pêk anîne.
HPG’ê di daxuyaniya xwe de ev agahî parve kir: “Hêzên Berevaniya Ezmanî ya Şehîd Delal di 11’ê kanûnê saet 11.00’an de li Çelê ya Colemergê li dijî baregeheke qereqola Girê û eynî rojê saet 13.45’an li Heftanînê li qada Bektora ya li dijî dagirkerên li Girê Koordîne bi amûrên hewayî yên bêmirov çalakî kirine. Di du çalakiyan de jî hedefên ku bi amûrên hewayî hatine diyarkirin derb xwarine û çalakî bi rengekî serkeftî bi encam bûne.”
Her wiha HPG’ê têkildarî êrîşên artêşa tirk a li dijî Qadên Parastinê yên Medyayê jî ev tişt got: “Di 10’ê kanûnê saet 11.30’’an de qada Çemço ya bi ser herêma Zapê bi balafirên şer hatiye bomekirin. Di 10’ê kanûnê de saet di navbeyna 10:50 Û 11.30’an de li herêma Metîna qada Girê Hekarî, Şehîdan, erdên gundê Golka û derdora gundê Şelazê bi balafirên şer hatine bombekirin.” BEHDÎNAN
