Li bajarê Silêmaniyê hejmarek mamostayên olî ji bo piştgiriya xwepêşanderên li herêmê çalakiyek pêk anîn û daxuyanî dan.
Di daxuyaniya mamosteyên olî de ev tişt hat gotin: “Xwepêşandan û nerazîbûnên li dijî gendelî mafek yasayî ye, daxwazek rewa ye. Bi taybet ji bo xelkê Kurdistanê ku ji bo refermê deng daye û mafê wan e berhem bibînin.
Divê hikûmet guh bide daxwazên xelkê. Ji ber ku daxwazên xelkê ji bo nehiştina gendelî û dayîna mûçeye, daxwazên rewa ne. Weke mamostayên olî heman daxwazên me jî hene û divê hikûmet bersivê bide.
Kuştin taweke mezin e. Lewma bi tu awayî nabe xwîna zarokên vî gelî di nava me de bê rijandin. Em hevsozên malbatên şehîdan in. Hêviya şifayê ji bo birîndaran dixwazin.
Bibawerin xelkê daxwazek rewa heye. Lê bi tu awayî rewabûn nîne dest li saziyên hikûmî bikin. Di heman demê de armanca xwepeşandêran vala dertêxe.
Daxwazê ji walîtiya Silêmaniyê û hemû berpirsan dikin ku hemû girtiyan berdin. Bi taybet mamostayên olî yên hatine girtin.” SILÊMANÎ
