Navenda Nûçeyan
Li Yemenê di navbera serxwebûnxwazên li başûr û hêzên hikûmetê de bi pêşengiya Erebistana Siûdî hikûmeteke yekitiyê hat avakirin. Di nav hikûmetê wezîrên dilsozên serokkomarê bi desteka Siûd Evd Rabbû Mansûr Hadî, endamên Konseya Bihurîneka Başûr ê baskê serhildêrên serxwebûnxwaz û nûnerên hin partiyan hene.
Riyadê peymana têkilî parvekirina desthilatê muzakere kir. Armanc ew e ku li dijî Hûsiyên bi desteka Îranê eniyeke xurt were avakirin.
Li Yemenê ev ji 6 salan û vir ve ye di navbera hêzên hikûmetê û Hûsiyan de şerek heye ku Koalîsyona Ereb destekê dide hêzên hikûmetê û Siûd pêşengiya wan dike. Hûsiyên bi desteka Îranê beşekî girîng ê bakurê welêt kontrol dikin.
Li eniya dijî Hûsiyan van 10 salên dawî lihevnekirineke giran derkete holê. Serhildêrên başûrî alîgirên Hadî bi nelirêtiyan û hevkariya dijî îslamiyan sûcdar dikin.
Di mijdara 2019’an de di navbera aliyan de peymana Riyadê hatibû danîn lê ev bi cih nehatibû û li qadê bûbû şer.
Wezareta Karê Derve ya Siûd ku di ser twîtterê re daxuyanî da, hikûmeta yekitiyê slav kir û wiha got: “Li Yemenê ji bo çareseriya siyasî û dawî li krîzê were qonaxeke girîng.”
Di hikûmeta nû de Serokwezîr Mayn Saîd li cihê xwe ma. Hikûmeta ji 24 wezîran pêk tê, Wezareta Karê Derve jî di nav de gelek wezaret guherîn.
