Rêxistina Aştî û Azadî bi hevkariya Rêxistina Firyaguzarî ya Mîletî ya Norvêcî bi navê ‘Li Herêma Kurdistanê rewşa kar û karkerên jin li sektora taybet’ konferansek lidar xist.
Di konferansê de têkildarî rewşa jinên karker encamên lêkolînekê hat aşkerakirin. Li gorî encamên lêkolînê ji sedî 90’ê jinên karker neendamên sendîkaya karkeran in, ji sedî 57 peymannameya kar nîne, ji sedêî80’ê dixwazin karê xwe biguherînin sektora hikûmî. Her wiha li gorî lêkolînê ji sedî 60’ê destdirêjî li karkerên jin tê kirin û lêkolîn li gel 150 jinan hatiye kirin.
Li gorî lêkolînê dahata jinên karker ji sedê 90 misogere, dahata wan di navbera 250 hezar heta 500 hezar dînare.
Li gorî lêkolînê, ji sedê 46 jinên karker ragihandine ku bi tu awayî Wezareta Plandan û Wezareta Kar û Karûbarên Civakî serdana cihê karê wan nekirine û ji sedî 59 peymannameya kar nîne.
Rêvebera Rêxistina Dabîn Dilsoz Zengene diyar kir ku Sendîkaya Karkeran cihê çareserkirina pirsgirêka di navbera kar û xwediyê kar e lê sendîka xemsar e û nikare mafê karkeran misoger bike.
Dilsoz Zengene destnîşan kir ku herêma Kurdistanê kar bi yasaya hejmara 70 ya sala 1987’an a yasaya Iraqê dike û got ku divê ev yasa ji bo mafên karkeran were sererastkirin. SILÊMANÎ
