Gaxan kultur û bawerîya elewîyan ê kirdan de şayîya serra newîye ya. Gaxan Dêrsim de bi şayî û aktîvîteyan ame fîrazkerdene. Çarçewa tedbîranê vîrusê Korona de hemwelatîyan pê wesayîtan keye bi keye gêrayî û înan pê govendan şayîye kerde. Hemwelatîyan şayîye de kincê rengînî xo rê dayî.
Taxan ra dima hemwelatîyî Meydanê Seyîd Rizayî de ameyî pêser û şayîya xo viraşte. Şayîya ke hetê Şaredarîya Dêrsimî ra ameye organîzekerdene Serekê Şaredarîye Fatih Mehmet Maçoglu,Îdarekarê Partîya Demokratîke ya Şaran (HDP) yê bajarî, hunermend û xeylêk kesî tewrê ci bîyî.
Hunermend Kemal Kahramanî şayîye de îfade kerd ke Gaxan menga îbadetan a. Dima loqmayî ameyî vilakerdene û pê dûayan findî ameyî tavistene. DÊRSIM
