Qezaya Menemenî ya Îzmîrî de berê keyeyê elewîyanê Dêrsimî serrgêra Qirkerdişê Mereşî de ame nîşankerdene.
Wayîrê keyeyî Haydar Koçê dêrsimijî pare kerd ke 19ê kanûne roja şemeyî ey vengê payeştişî eşnawitî dima şîyo ber akerdo la o çax nîşan nêdîyo. Koçî da zanayene ke roja dişemeyî o pê hesîyayo ke berê ci ameyonîşankerdene.
Koçî vat: ”Mi venga polîsan da. Seba ke no çi serrgêra Qirkerdişê Mereşî de ame kerdene ez pê şikan kewta. Polîsan têna vat ‘beno ke domanan kerdo’, fotografê berî girewtî û şîyî.”
Verî zî reyna Menemen de berê keyeyê dêrsimijan amebi nîşankerdene û polîsan delîlî kerdbî pak. Polîsan nê serebûtê verênî de zî bi vatişê ‘beno ke domanan kerdo’ hêriş mîyan kerdbi. ÎZMÎR
