Navenda Nûçeyan
Têkildarî hevdîtina rayedarên Rêveberiya Xweser bi hikumeta belçîkî ya li bajarê Qamişlo yê Bakur û Rojhilatê Sûriyê, Cîgirê Hevserokatiya Daîreya Têkiliyên Derve ya Rêveberiya Xweser a Bakur û Rojhilatê Sûriyê Fener El-Giêt axivî.
Çarşema derbasbûyî şandeya belçîkî di dergeha Sêmalkayê ya di navbera Rojava û Başûrê Kurdistanê de derbasî herêmê bû, piştî şandeya belçîkî gihişt avahiya Daîreya Têkiliyên Derve ya Rêveberiya Xweser a Bakur û Rojhilatê Sûriyê ya Qamişlo her du alî li hev civiyan.
Şandeya hikumeta belçîkî ev cara 3`emîn ku serdana herêmên Bakur û Rojhilatê Sûriyê kirine û di vê mehê de ev cara duyemîn e, ji ber ku 23`yê Sibatê heman şandeyê û rojnamevanên belçîkî serdan kiribûn.
Şandeya belçîkî ji balyozê belçîkî yê li Amman Cowen Steffenner û gerînendeyê hevpar ê alîkariya balyozxaneya Johan Cassir pêk dihat.
Li avahiya Daîreya Têkiliyên Derve ya Rêveberiya Xweser Hevserokê Daîreya Têkiliyên Derve yê Rêveberiya Xweser a Bakur û Rojhilatê Sûriyê Ebdulkerîm Umer û cîgirê wî Fener El-Giêt, Ebîr Êliya, Nûnera Rêveberiya Xweser a li Ewropa Mizgîn Ehmed û cîgirên Serokatiya Desteya Jinan Evîn Qafûr û Belqîs Hemendî pêşwaziya şandiyê kirin.
Fener El-Giêt destnîşan kir hevdîtin di çarçoveya rêzeserdanên şandeyên Ewropa ji herêmê re pêk hatiye, da ku rewşa herêmê bişopînin û geşedanên dawîn ên siyasî û leşkerî ji nêz ve bibînin.
Cîgirê Hevserokatiya Daîreya Têkiliyên Karên Derve yê Rêveberiya Xweser Fener El-Giêt got ku di hevdîtinê de behsa gelek aliyên aloziya Sûriyê kirin, her wiha behsa rewşa herêmên Bakur û Rojhilatê Sûriyê kirine ku rastî xeteriyan tên nexasim ku dewleta Tirk a dagirker her tim êrişî herêmên wan dike.
Fener El-Giêt anî ziman ku wan behsa bandora êrişên dewleta tirk a dagirker ên li dijî herêmên Bakur û Rojhilatê Sûriyê, rewşa xizmetguzariyê, rewşa kampên ku malbatên DAIŞ`iyan lê ne, rewşa tenduritiyê, rewşa herêmê ji aliyê civakî, siyasî û aborî kirine.
Şandeya belçîkî zarokekî 9 salî bi xwe re anîbûn avahiyê, ev zarok bi eslê xwe belçîkî ye û ji kesên ku li kampa Holê diman bûn. Di dawiya hevdîtinê de şandeyê berê xwe bi dergeha Sêmalkayê vekir û bi vî şeklî serdan bi dawî bû.
