‘Pêşniyar Qanûna Têkildarî Astengkirina Pêşxistina Belavkirina Finansê ya Çekên Îmhaya Girseyî’ li Lijneya Giştî ya Meclisê bi dengê AKP û MHP’ê hat erêkirin. Bi vê yekê êdî Wezareta Karên Hundir dê karibe qeyûm tayînî komele û weqfan bike. Muxalefetê diyar kir ku bi vê yekê rê li pêş tayînkirina qeyûman a komeleyan vedike û sîxuriyê li ser parêzeran ferz dike.
Muxalefetê der barê guhertina xala 43’yan de peşniyarnameya da meclisê. Lê ev pêşniyarname hat redkirin. Lê pêşniyara ku îktîdarê pêşkeşî meclisê kir li meclisê hat qebûlkirin û bi Wezareta Karên Hundir ve hat girêdan. Piştî ev pêşniyarqanûn hat erêkirin, êdî wezareta karên hundir dikare qeyûm tayînî komele û rêxistinên civakî bike. Wezareta karên hundir dikare rêveberên komele û weqfan ji wezîfeyê dûr bixe û qeyûm tayînî şûna wan bike. ENQERE
