Navenda Nûçeyan
Şandeya danûstandinan ya Başurê Kurdistanê ya ku diçe Bexda, bi serokatiya cîgirê serokwezîrê Başûrê Kurdistanê Qubat Talabanî, li Desteya serokatiya parlamentoyê, serokên fraksiyonan, endamên lijneya yasayî, darayî û çavkaniyên xwezayî re civiya.
Piştî civînê serokê fraksiyona Nifşê Nû Kazim Faruq jî ku tevlî civînê bibû û piştre ji civînê derket, daxuyaniyek çapemeniyê da.
Kazim Faruq got ku şandeya Başûr ji wan re gotiye; “Me tiştek li Bexdayê nekir û li ser tiştekê jî lihevkirin çênebûye.”
Faruq di dewamê de got ku bersiva pirsyarên gele Kurdistanê ligel wan nebû û wiha pêde çû; “Hikumeta Herêmê ji dahata nefta sala 2019’an 8 trîlyon û nîv dînar bidestxist. Lê nîvê vî pereyî nediyare û kes nizane çi bi wî pereyî hatiye.”
Hêjayî gotinê ye beriya çend rojan cîgirê serokwezîrê Başûrê Kurdistanê Qubat Talabanî ragihandibû ku wan li ser bûdçeya sala 2021’an bi Desteya Wezîran ya Iraqê re lihevkirine.
