Navenda Nûçeyan
Ciwanê bi navê Ehmed Mihê yê ji gundê Helwa El-Şêx ê Tirbespiyê, ji zaroktiya xwe ve ji wênexêziyê hez dike, malbatê jî destek dayê û bi vî awayî zêdetir teşwîqî behreya xwe bû.
Bi destpêka şoreşa Bakur û Rojhilatê Sûriyê re, şêniyên herêmê li hemberî êrişên komên çete û artêşa tirk sekinîn û şehîd dan. Ji ber vê yekê Ehmed Mihê xwest ku bi rêya wênexêzkirinê her tim şehîdan bi bîr bîne.
Ehmed Mihê got ji xêzkirina tabloyên xwezayê û kesayetên navdar zêdetir ew dixwaze wêneyên şehîdan xêz bike û di vê yekê de cewherê rastiyê dibîne.
Destpêka şoreşê Ehmed Mihê bi derfetên kêm li herêmê wêneyên şehîdan xêz dikirin. Ehmed Mihê da zanîn ku ew bi xêzkirina wêneyên şehîdan kefxweşiyê dixe dilê malbatên şehîdan.
Xewna Ehmed Mihê ew e ku tev li pêşangehan bibe ku li herêmê û li kantona Qamişloyê têne vekirin û wêneyên xwe yên îşaretê bi berdêlên şêniyên herêmê dikin, pêşkêş bike.
