Merkezê Xeberan
Goreyê doneyanê Rêxistina Çimdarîya Heqanê Merdiman a Sûrîye (SOHR) Dêra Zorê de vera otobusanê ke tede hêzê rejîmî estbî hêrişêk ame kerdene û netîce de bi desan leşkerî merdî. Goreyê îdîayan hêriş hetê DAIŞî ra ame kerdene û netîceya ci de 37 leşkerî merdî.
Ajansê Xeberan ê Sûrîye SANA da zanayene ke hêrişê ’25 hemwelatîyî’ merdî û 13 kesî birîndar bîyî.
Dîrektorê SOHRî Rami Abdel Rahmanî pare kerd ke hêriş vera 3 otobusan ame kerdene la otobusêke xo hêrişî ra xelisnaye.
Rahmanî eşkera kerd ke no hêrişanê tewr pîlan ê DAIŞî ra yo.
