Merkezê Xeberan
Bi wesîleya serrgêra vînîkerdişê Gulîstan Dokuye Dêrsim, Amed û Antalya de çalakîyî ameyî kerdene ke Gulîstane ra serrêke ra nata xeberêke çin a.
Dêrsim
Platformê Cinîyan ê Dêrsimî Meydanê Seyîd Rizayî de çalakîyêke organîze kerde. Dayîka Doku Bedrîye Doku, babîyê ci Halît Doku, Wekîlê HDPyî Alîcan Onlu û Dersîm Dag, Serekê Şaredarîye Fatîh Mehmet Maçoglu, Serekê Baroyê Dêrsimî Kenan Çetîn tewrê çalakîye bîyî.
Eşkerayîye de dayîka Gulîstan Doku Bedrîye Doku nê vatî: ”Mi Gulîstane emanetê dewlete kerde. Gulîstane mesaj nuştêne, vatêne ez tersena. ”Gulîstanê qey terayêne. Şima çi ard sereyê Gulîstana mi. Kam herre de şima aya defin kerde. Ez dayîka Gulîstane ya. Yew serre ya zerrîya kerda lete lewera. Yew serre ya adir zerrîya de vêşeno ez nêeşkena rakewî. Kênaya mi bivînê. Cade aye bivînê.”
Amed
Torra Têkoşînê Vera Şîdetê Serê Cinîyan a Amedî Baroyê Amedî de çalakîyêke kerde. Endama Heyetê Rayberdişî yê Heqanê Cinîyan ê Baroyê Amedî Asya Cemre pare kerd ke keyeyê Doku muracatê înan kerdo ke tehqîqat bêro akerdene la dozgerîye hewceyê tehqîqatî nêdî.
Antalya
Platformê Cinîyan ê Antalya Peykerê Attalosî de çalakîyêke kerde û pankarta bi nuşteyê ‘Gulîstane Doku kotî der a?’ akerde. Nameyê platformî ser o Nîlcane Balikçi qisey kerd û ard ziwan ke heta ke edaleto raştikên bêro caardene ê do têkoşînê xo dewam bikerê.”
